مجانين التيك_توك

0

بقلم /شيرين راشد

السوشيال ميديا جنان والتيك توك.. كمان
الكل عايز شهره الكله جعان للمال ودماغهم في التوهان ..
ولا فارق معاهم عيب ولا حتي حرام ..!!
المهم يكبر دماغه حبه ويكون غني قوام فيديوهات ملهاش عدد تفاهه وقلة أدب بنت و رجل وشايب والكفه مالت أزاي؟

لا كسوف ولا حياء ولا دين بس نكون ترند ونقبض القرشين
والكل يظبط نفسه والعيشة تبقا زين ..
التمن غالي أوي لكن ولا فهمين إننا كده بننزل ولا عمرنا طالعين ولو نصحت واحد فيهم تبقى مش متحضر ومن المتخلفين ..
عصر عجيب وغريب أتبدل فيه الحال وبقينا بنطلع لايف لعيون الدولار لا تقولي دين ولا شرف بالمال الناس تهابك ولا تسألك سؤال ..

شغلهم الشيطان وجننهم بالمال ماهو جنون الشهره مرض دي الأيام بنت تعرض نفسها والتانيه تعري جسمها واللي تغني وترقص ولا في حياء ولا خجل وشبابنا مبسوطين ..
ولا عارفين أهلهم فين عنهم غايبين ملعون أبوك يامارك قضيت ع النخوه فينا ورحلت الفضيله ووقفت حال الناس لا شغله ولا مشغله ولا حتي فيه إخلاص .
الله يرحم زمان كنا مرتاحين وببعضنا حاسين كانت حياتنا سهله ودايما ملمومين لكن النهاردة بعدنا وقطعنا الزيارات وبنجامل بعضينا ع النت هنا بالبوستات .

ولو يوم زورنا بعض يبقي الشاي والشاحن ورقم الويفاي قبل أي كلام فين قاعدتنا وسهرتنا زمان الضحكه كانت حلوه بتسمع الجيران دلوقت حالة صمت الست جانب جوزها وتكلمه ع الواتس بعدنا كتير ياناس حتي بالإحساس..
يابنات خفوا شويه وبلاش كلام ع النت ويلا إحترامو روحكم وإحذفوا التيك توك .
شهادتك هي سلاحك وكل دنيتك سيبك م الفيس ياحلوه وشوفي مذكرتك ..والنت وقت الفضا يبقى لعبتك.

 

اترك رد

لن يتم نشر عنوان بريدك الإلكتروني.