و بتضحكي

0

 

بقلم. ميرفت هلال 

الدنيا تحلو

برنة ضحكتك

و لا جمال الغمزة

في خدود حضرتك

و جبينك الأبيض

ينور دنيتي

يااااا دهوتي !

من عشمي فيك

بتمنى نظرة

و أنت فايتة

في سكتي

ولو من بعيد

ألمح فيها نظرتك

صوت الموسيقي

يدق في قلبي

مع خطوتك

أتعثر و أدوب

أتوه و أنسى

وأمشي في سكتك

أقول نكتة بايخة

و أضحك عليها

منا أصلي عايز

أسمع ضحكتك

مع خطوتك

أشوف ولاد الحي

بيموتوا في طلتك

و بيغزلوا في خيالهم

أحلام معاكِ

بيت و عيلة

و أيام جميلة

ناري تقيد

لو كلمة

منهم مستك

و بدعي دعايا

لربي ما حد

يدخل دنيتك

أملي تكوني لي

و ألقى في قربك

نعيمي و أحظى

بهنايا في جنتك

 

اترك رد

لن يتم نشر عنوان بريدك الإلكتروني.