مش بحاسبك

0

قلم ناهد ابراهيم احمد

ياحبيبى مش بحاسبك ٠

أوبلوك ع اللى فات ٠

ياحبيبى ولا بعاتبك ٠

ع السنين والذكريات ٠

ياحبيبى عايز أقولك ٠

إنسى ويايا الأهات ٠

اتولدنا يوم لقانا ٠

ضحكت لقلوبنا سمانا ٠

والألم روح وفاتنا ٠

قلنا فرح الحب جانا ٠

بس خوفى م الليال ٠

ينتهى العمر ياغالى ٠

قبل مانحقق منانا ٠

مش بحاسبك ٠

لو صحيح بتحبنى وتخاف على ٠

فكر إزاى النهارده تبقى ليا ٠

قبل مايفوت الأوان ٠

قبل ما يضيع الزمان ٠

قبل ما نقول ياريتنا ٠

عرفنا عنوان المكان ٠

ياحبيبى بكل خوف قلبى شايفك ٠

بين بيبان الخوف وعارفك ٠

وإنت وحدك فى الليالى ٠

رغم كل الكون معاك ٠

بس فى الوحدة ياخالى ٠

قلبى وحده فى خطاك ٠

ليه بحس بصوتى ضايع ف الهوا ٠

والقدر جمع ما بين قلبين سوى ٠

نفسى تعرف قد إيه خايف عليك ٠

كل عمرى يفدى دمعه من عينيك ٠

واللى ما يخاف ياحبيبى ٠

فى الهوى ٠

مش بحاسبك ياحبيبى

اترك رد

لن يتم نشر عنوان بريدك الإلكتروني.