تعرف علي أبرز تصريحات “باتشيكو” فى أول لقاء تلفزيونى له بعد بداية الموسم الجديد

0

كتب.. بولا شنودة

استطاعت شاشة قناة النهار وبرنامج “أوضة اللبس” الذى يقدمة الإعلامي أحمد حسام ميدو وهو أيضاً أحد أبناء القلعة البيضاء فى عمل أول حديث لجيمى باتشيكو المدير الفنى لنادى الزمالك بعد بدء موسم جديد.

وجائت أهم وأبرز تصريحات باتشيكو كالآتي :

بحاول بشكل كبير إني أبقى شخص عادل طبعا مصطفى محمد وفرجاني ساسي لاعبين جيدين لكن مكانوش بيتمرنوا بالشكل الكافي وبالتالي مكنوش هيأدوا بشكل كويس كفايه أو كانوا ممكن يتصابوا و الطبيعي ان اللي بيلعب وبيكسب هو اللي يكمل في الملعب.

شيكابالا لعب مباراة جيده و بعدها تم استبعاده من القائمه لأننا بنلعب كل 3 ايام و يعمل تدوير و اللعيب اللي بيتدرب بشكل كويس هيلعب خصوصا فضغط المبارايات.

أمام عاشور لاعب متكامل بيشوط كويس وبيدافع كويس و بيهاجم ويدافع بالاضافه أن سنه صغير و هيتطور كتير، أمام عاشور بيعمل حاجه مشوفتهاش قبل كده بيشوط من اماكن بعيده بمنتهى السهوله والدقه ودي حاجه مميزه جداً.

نصحت وقولت لإمام عاشور مش مهم تعمل ماتشين أو تلاته كويسين لكن الاهم أنك تعمل 5 او 6 مواسم ورا بعض كويسين خليك متواضع واتمرن كويس وباجتهاد وأنا مبسوط أنه ملتزم بنصيحتي ليه.

كل اللاعبين هياخدوا وقتهم أنا بيضايقني أني أشوف ساسي دكه وعبد الله جمعه وكذلك محمود علاء الي كان أعلى مدافع تسجيل للاهداف لكن عبد الغني حالياً مستواه بيرتفع وكله هياخد فرصته ولازم يعرفوا أن المدير الفني عارف كل حاجه فالفريق.

اللاعب مبيشوفش المدرب عادل غير لما يلعب بس غير كده بيتضايق و بيزعل.

اترك رد

لن يتم نشر عنوان بريدك الإلكتروني.