خليك على البر

0

د/عبير منطاش
بنشوف الشباب اليومين دول بيتعاملوا مع الدنيابمنطق العافيةوالفتونة، وكأنهم أكبر وأقوي من إنهم يغلطوا٠
تيجي تنصحهم خلي بالك يا إبني من أصحاب السوء يرد يقول.. لا أنا عارف بعمل إيه، محدش يقدر يضحك عليا٠
يابنتي متتعامليش مع البنت دي سمعتها مش حلوة سمعة إيه وكلام فارغ إيه شوفي عندها متابعين أد إيه وهي لسه في سني!!!
بقى فيه فجوة بينا وبين ولادنا، والفجوة دي كل يوم بتزيد مع إنتشار الفساد الأخلاقي وضياع القدوة٠
الولاد من كتر ماهم بيشوفوا الناس الوحشة مشهورة ومعاهم فلوس بيفتكروا إن هو ده النجاح وإن هو ده الصح٠
وأنا بكتب تذكرت أروع حوارفي فيلم الكيف
بين جميل راتب ويحيي الفخراني٠:
(ﺟﻤﻴﻞ ﺭﺍﺗﺐ : ﺃﻧﺎ ﻋﻴﺸﺖ ﺣﻴـﺎﺗﻲ ﻛﻠﻬﺎ ﺗﺎﺟﺮ ﻛﻴﻮﻑ؛ ﺍﺑﺘﺪﻳﺘﻬﺎ ﺑﺎﻟﺸﺎﻱ ﻭﺍﻟﺒﻦ ﻭﺍﻟﺪﺧـﺎﻥ..
ﺍﻟﻜﻴﻒ ﺷﻬﻮﺓ، ﻭﺍﻟﺸﻬﻮﺓ ﻫﻲ إﻟﻠﻲ ﺑﺘﺸﺪ ﺍﻟﻘﺮﺵ ﻣﻦ ﺟﻴﻮﺏ ﺍﻟﻨﺎﺱ..
– ﻳﺤﻴﻰ ﺍﻟﻔﺨﺮﺍﻧﻲ : ﺇﻧﺖ ﺷﻴﻄﺎﻥ
– ﺟﻤﻴﻞ ﺭﺍﺗﺐ : ﺍﻟﻨـﺎﺱ هما إﻟﻠﻲ ﻣﻐﻔﻠﻴﻦ..
ﻭﻓﻲ ﺷﻬﻮﺗﻬﻢ ﻏﺮﻗﺎﻧﻴﻦ، ﻭإﻟﻠﻲ ﻳﻘﻒ ﻉ ﺍﻟﺒـﺮ ﻣﺎ ﻳﻐﺮﻗﺶ.. ﺇﺣﻨﺎ ﻣﺎﺿﺮﺑﻨﺎﺵ ﺣﺪ ﻋﻠﻰ ﺇﻳﺪﻩ.. إﻟﻠﻲ ﺑﻴﺤﺒﻨـﺎ ﻫﻮ إﻟﻠﻲ ﺑﻴﺮﻣﻲ ﺭﻭﺣﻪ
ﻓﻲ ﺣﻀﻨﻨﺎ.. ﺯﻣــﺎﻥ ﻛﻨﺖ بغش ﺍﻟﺸﺎﻱ ﺑﻨﺸـﺎﺭﺓ ﺧﺸﺐ ﻭأﺑﻴﻌﻪ ﻓﻲ ﺑﻮﺍﻛﻲ.. ﺷﻜﻠﻬـﺎ ﺣﻠﻮ ﻣﻜﺘﻮﺏ ﻋﻠﻴﻬﺎ ﺷﺎﻱ “ﺃﺑﻮ ﺍﻷﺻـﻮﻝ..”
ﻛﺴﺒﺖ ﻭﺍﻟﻤـﺎﺭﻛﺔ ﺑﻘﺎﻟﻬﺎ ﺍﺳﻢ ﻭﺳَﻤَّﻌِﺖ..
ﻭﻓﺠـﺄﺓ.. ﺍﻟﻨﺸـﺎﺭﺓ ﻏﻠﻴﺖ ﻭﺍﻟﻨﺠﺎﺭﻳﻦ ﺍﺗﻤﻠﻌﻨﻮﺍ.. ﻋﺒﻴﻨـﺎ ﺍﻟﺸﺎﻱ ﻣﻦ ﻏﻴﺮ ﻧِﺸـﺎﺭﺓ..
ﺗﻌﺮﻑ ﺣﺼـﻞ ﺇﻳﻪ؟.. ﺍﺗﺨﺮﺏ ﺑﻴﺘﻲ ﻭﻓَﻠِﺴﺖ..
ﺍﻟﺰﺑـﺎﻳﻦ ﻃﻔﺸﺖ ﻭﻗﺎﻟﻮﺍ ﻋﻠﻴـﺎ ﻏﺸﻴﺖ ﺍﻟﺸﺎﻱ.. ﻣﺶ بقوﻟﻚ ﻣﻐﻔﻠﻴـﻦ!
-ﻳﺤﻴﻰ ﺍﻟﻔﺨﺮﺍﻧﻲ: هما ﻣﺶ ﻣﻐﻔﻠﻴﻦ.. إﻟﻠﻲ ﺯﻳﻚ إﻟﻠﻲ ﻓﺴﺪﻭﺍ ﺫﻭﻗﻬﻢ.. ﻋﻮﺩﺗﻮﻫﻢ ﻋﻠﻰ ﺍﻟﻮِﺣِـﺶ ﻟﻐﺎﻳﺔ ﻣﺎ ﻧﺴﻴﻮﺍ ﻃﻌﻢ ﺍﻟﺤﻠﻮ)
(عودتوهم على الوحش لغاية ما نسيوا طعم الحلو) الجملة دي بتوصف حالنا واللي وصلنا له… ولافيه احترام لكبير ولارحمة بضعيف٠
مفيش ذوق في تمثيل ولافي أغاني
واللي ماشي ثقافة السبوبة، الشباب طالع بيقلد الممثل الفلاني، والمغني العلاني٠
لغة المصلحة هى إللي ماشية، وقصاد المصلحة كل
الحرام يبقى حلال، والكذب والخيانة يبقوا شطارة!!!
سيطرت الشهوات على حياتناوبقت هى اللغة الموجودة بين الناس، والشهوة هنا مش جنس وبس لأ …
الناس بتدور على متعتها في أي حاجة أكل، فلوس المهم يحققوا متعتهم وبس من غير تفكير٠
وافتكر الناس إنهم أكبر من المعاصي إستهانوا بيها ونسيوا إن إللي خالقهم عارفهم كويس وعارف نفوسهم الضعيفة٠
محتاجين وقفة، وصحوة، محتاجين نفوق ونعرف إنك لما تبعد عن الوحش وتخاف على نفسك من المعاصي ده مش ضعف لأ ده منتهى القوة٠
وإننا لازم نعرف ولادنا أن الحلو إيه والوحش إيه علشان “طعم الحلو ميتنساش من كتر الوحش” خليك على البر

اترك رد

لن يتم نشر عنوان بريدك الإلكتروني.