قصيدة ( حلم عمرى )

0

بقلم الشاعر المصري د.احمد إبراهيم النجار

مش بلومك لما تبعدني السنين

لما القى فجر صبحك

ليل في درب الشقيانين

مش بلومك

لو قاسيتي

او مشيتي

او رضيتي

اعيش في ظلمك

اللى باقي ف ليل طويل

امس امسك زي صبحك

زي شمسك

بالغروب متشوّقين

مش بلومك ياللى يومك

بالعذاب الف الف الف باب

بين وجوه العرقانين

متقفّلين

قولتي انى نور عنيكي ؟

وعنيكي مغمّضين

قولتي فجرك جاي خضارك ؟

واللى عايش فوق ترابك

بين جفافك

والحصاد جرح وانين

مش بلومك لما تبعدني السنين

لما القى فجر صبحك

ليل في درب الشقيانين

مش بلومك ليه الوم الصمت ؟

في عيونك ضهور

مش هلومك

ليه اعيش غرقان فى نارك ؟

والنهار مالهوش ظهور

مش هلومك

ياللى سمعك مش سمعنّي

مش هلومك ياللى حضنك

نار بتحرق نبض قلبي

ياللى وخده حلم عمري

من سنين بالعجاف والجفاف

واللى فايت بين دروبك

كان شباب

واللى محني ضهر حلمي

لما فيكي شعرى شاب

ااااااااه يا باب

اااااااااااه يا باب مقفول وعايش

فوق حديده العنكبوت والصدى

ااااااااااااه يا درب

المظلومين ع المدى

صرخة وجوه

صرخة وجوه متشوّقين

حبة ندّى

واااااااه ياليل ساكن بيوت

فوق سطوحها

اشباح بترسم حلمنا

الفين سنه رسمة الدموع

رسمه الدموع على خدنا

برواز قديم مرسوم في ليل

والنور سجين

تحت سرداب الأنين

الفين سنه وانتي وانا

عكس الطريق متفرّقين

مش بلومك

لما تبعدني السنين

لما القى فجر صبحك

ليل في درب الشقيانين

مش بلومك

ليه الوم الصمت

في عيونك ضهور

مش هلومك

ليه اعيش غرقان فى نارك

والنهار مالهوش ظهور

مش هلومك

ياللى حضنك نار بتحرق

نبض قلبي

ياللى وخده حلم عمري

من سنين بالعجاف والجفاف

يا انين كل السنين

اترك رد

لن يتم نشر عنوان بريدك الإلكتروني.