كروان

0

بقلمي.. أبو عدنان

كروان بيشدو ب اغانية

حزين والدمعة في عنية

يا دنيا إنتي آسية كدة لية

والظلم ف صورة إنسان

على رصيف الحياة

متبعترة اوراقي

حتى قوله اة

محروم منها يا رفاقي

اية بس اللي جناة

ما املكش غير حبي وأشواقي

وحلم العيش في أمان

كل الأحبة بيلوموة على غرامو

والصحاب وسط الذحمة تاهو

كل الغرباء اجتمعو على اعدامو

أكمنة بيبغي الحب وايامو

ولا أكمنة فقير غلبان

أعزف يا كروان وقول لحنك

لو سكت ما حد راح يسامحك

الكلمة الحرة ف دمك و لحمك

وعمرك ما ركعت للطغيان

في دنيا مقلوبه ومعووجة

الامركة موضه وهوجة

والشعر الحر حرفة وسبوبة

فيها اية لو خادت كام طوبة

فيها اية ما جلدك اتعود ع الكرباج

والعذاب والشقا خلاص مزاج

أصرخ يمكن تلاقي ف يوم عنوان

يا كروان يابو جناح مكسور

بكرة يطلع النهار وتشوف النور

كلة إلا كلمة الزور

والنجاة مش معناه

الخوف من السلطان

حب الأوطان غريزة

مش شخابيط ع الحيط

وحجاب و تعويزة

والموت بسبب حبك لوطنك

أرضك وعرضك وولدك

الحب ما هواش عيب

حتى لو ليك سنين غريب

حب الوطن أكبر ميزة

واية يعني الجوع واية يعني الحرمان

كروان بيشدو ب اغانية

حزين والدمعة في عنية

يا دنيا إنتي آسية كدة لية

والظلم ف صورة إنسان

اترك رد

لن يتم نشر عنوان بريدك الإلكتروني.