ربـــــــاعــــيـــــات إنــــســـان(6)

كلامي سكة سفر كلها إشارات
صرخة مَلتْ من طول السُكات
ألم ملوش طريق إلا القلم
توب مولود جديد و كفن للأموات

************************
نبيه و عقله يوزن مدينة
بس أحلامه عرجة و سجينة
الجهل طوفان مجنون و سعران
و أنت يا نوح من غير سفينة

************************
هتعيش نَفَر وتموت نَفَر
ماشي و عليك مليون حجر
لا أنت شيطان و لا ملاك
و لا مختلف عن البشر

************************
اِتعصرِت ملامحي أربعين سنة
و اِتعكِزت على كلمة حلوة و جدعنة
حلمت و حلمها بقى مستحيل
حلمت امبارح يعود للفتونة

بــقـــلــمــ✍️ أمين مراد 

التعليقات مغلقة.