المنافي

بقلمي – عادل عبد الرازق

=============

فتحتلك قلبي وطن

وانتي رفضتي تدخليني

رفضتي تقبليني

أو حتى حتى تعرفيني

لون الغربة ناداني

وأخدني مشواري في الشوارع

ومسكت ماضيًا ورميته

ولضمت دموعي ف حلمي الضايع

أنا عمري ما كنت الخاين

ولا كنت ف مرًه البادىء بوداع

أصعب ما فيًا هزيمتي

واللي أصعب إنها بدون سبب

وشك خانت تفاصيله

وقلبك كان أعدى أعدائي

ماعرفش ليه بتكرهيني

وبتكرهيني بدون سبب

وتسأليني مين انا

أنا اللي راجع م السفر

تحت الغيوم تحت المطر

وانا اللي قلبي إنكسر

ولا كنت قادر أحتمل

غير طعم عشقك أبد الزمان

دوًريني دوًريني

مشي فيا ورجعيني

نفسي مرّة ..

مرّة واحدة تعشقيني

دي المنافي عشقتني ف كل غربة

وانتي عمرك ما حستيني

***

Aucune description de photo disponible.
1 commentaire
J’aime

Commenter

التعليقات مغلقة.