⚘جنة ربي ⚘

 

بقلمي .صفاء الخواجة

عندي سؤال عايزة له جواب
قلبك باع؟؟
والا ظروفك هي أساس؟
خلت قلبي وقلبك ضاع!
و إللي حصلي معاك مكتوبلي
و إن القسمة نصيب ووداع؟
إفتح قلبك وإحكي لي أكتر
خلي النبض. يمل نداك
حاول قلبي كتير ينساك
يكره بوحك. روحك. قربك
بس لقيتني ف حاجة لحبك
حدفت روحي ف بحر هواك
و بتوحشني كتير و اتعذب
نفسي بفرحة معاها القاك!
أَسمع صوتك. و أشبع منك
حتي سكوتك. كل لغاك
أنا مش ح ايأس مهما بعدنا
شوقي وعمري. ح يستناك
و ان مقدرتش تاني أأقابلك
و ألقي الفرح ف حضن هواك
يمكن جنة ربي .تساعنا
فيها آلاقي السعد معاك

من ديواني الأول جنون ×جنون

التعليقات مغلقة.