**** ابن مين فى مصر **** بقلم // طلعت حلمى عامر

بقلم // طلعت حلمى عامر

 

اللى حرر حكمها من الملك والاحتلال
اللى وزع أرضها على الفقير وابن الحلال
اللى أمم حقها .. فِ حتة كانت منها
كان شجاع واسمه جمااااااااااااال

اللى ضيع حتة فيها
رغم انه كان حاميها
بعدها زعق وقااااااااااااال
طب خلاص مش هبقى فيها
هبقى فرد أعيش عليها
رد الشعب قال جمااااااااااااااال

**** ابن مين فى مصر ****

اللى رجع حتة ضاعت
قبل ماننسى اللى فات
اللى خرج بلطجية
بس كان هو الضحية
وبرصاصة الغدر مات

اللى شجع على الكفاح
اللى جه بالانفتاح
والفقير عدى وفات
اللى راح لاسرائيل
وفِ عقر دارها كان سادات

**** ابن مين فى مصر ****

اللى كان فى الحرب شارك
حتى كان اسمة مبارك
اللى رجع طابا لينا
وسينا رِجعت كاملة لينا
وشعبنا أصبح مبارك

اللى عَمَّر برضوا فيها
واللى وحد مجرميها
واللى خلىَّ الشغل فيها
مش بيخلى من المعارك

اللى شاع الظلم فيها
والفساد أصبح ماليها
ودة اللى خلى الكل شارك
واتخلع يومها مبارك

****ابن مين فى مصر ****

الِ فرق مسلميها
قبل حتى مايبقى فيها
بس كان قادر وغاوى
جاب جماعتة يحكمونا
قبل حتى مايفهمونا
أصلة كان دكتور وهاوى

كان زمان صحيح مشاكس
بس كان على الحكم ناوى
الِ كان على الكرسى ميت
كل همة يجيب بلاوى
شعبنا طول عمره طيب
كان بياكل م الغناوى
بس فاق وبسرعه علِّم
عل الغشيم ابو قلب خاوى

**** ابن مين فى مصر ****
اللى بيعمر ويبنى
واللى واقف جنب ابنى
واللى مش مفروض يسيبنى
أمشى واحدى فى الضياع
اللى رافع بره راسى
واللى خلى الكون مقاسى
واللى حضنة تملى كاسى
عل الفقير وابن المشاع
اللى هو اليوم رئيسى
هو بس حبيبنا سيسى

*** هو ده ابن مصر ***

التعليقات مغلقة.