يا قطر. .. بقلم عبدالله رجب ابوعدنان

بقلم / عبدالله رجب ابوعدنان

 

يا قطر الغلابة استنى

سيبني أفرح و أتهنى

فرحي كان يوم العيد

أبويا وأمي

خالي وعمي

وعروستي لابسة فستان

الحزن فينا من زمان

والايد ف الايد

يا قطر الغلابة

دي ناس شقيانة

وم الهم مستوية

صاحبي كان معايا

وبيردد غنايا

وكنا مستنين العيدية

وكنا فاكرينك
راح تقرب البعيد

رضينا ب الفقر

ودوانا الصبر

ياللة افتحوا القبر

وادفنو الصعيد

يا قطر الغلابة استنى

سيبني أفرح و أتهنى

فرحي كان يوم العيد

التعليقات مغلقة.