لو حَتمشي … كلمات / عماد أبوالنجا

 كلمات / عماد أبوالنجا

لو حَتمشي وتسبيني
إبقي يومها إسأليني
ليه بقيتي نبض قلبي
ليه بقيتي شوق سنيني
دا إنت سَاكنه جوه روحي
دا إنت ساكنه حتى عيني
دا إنت روحي وكل عمري
لو مشيتي تموتيني
أوعي بعد لما تمشي
تنسي أيامي وسنيني
إبقي خليني في فكرك
أو ف طيف يوم يجيني
ومش حقول الزمان بايعني
أو حقول إنه شاريني
هو ده أصلاً قدرنا
تبعدي وبُعدك كاويني
بس حتكوني ليه ذكرى
إنت كمان إذكريني
مهما كان البُعد جارح
مش ح لومك وتلوميني
بس لو يوم حتمشي
إبقي يومها إسأليني
ليه بقيتي نبض قلبي
ليه بقيتي شوق سنيني

التعليقات مغلقة.