الخير كتير….. كلمات / محمد تريكه تريكه

كلمات / محمد تريكه تريكه

بنعيش ايام مليانه بخير

ندعي ربنا انه يديمها

ايام بركه ايام فرحه

يرزقنا خيرها ونعيمها

ربنا فاتح كل الابواب

يقبل دعوات من احبابه

كان في واحد عاصي وتاب

ربك فاتح كل ابوابه

ندعي ربنا في الايام دي

ايام فيها الخير كتير

كل منانا الازمه تعدي

وقلوبنا من الفرحه تطير

جاي رمضان بعديه العيد

اسعد ايام هانعيش فيها

واللي قريب واللي بعيد

ييجي معانا نعيش لياليها

صوم وصلاه ونقرأ قرآن

ويامحلي ايام رمضان

جاي ومعاه الخير كله

نفسي احكيله واقله

خير الايام شهر الصيام

نفسي احقق فيه الاحلام

فيه ليله بالف شهر

اجمل ايام في العمر

يارب اقبل من عبادك

دعوه تفتح بيها بيبان

اجمع بينهم يسر حالهم

واسعدهم بايام رمضان

التعليقات مغلقة.