مصر دنيا بقلم .. احمد ابو زياد

بقلم .. احمد ابو زياد

مصر هيا
دنيا جنه
اللى عاش فيها غنا
اللى مازارها
فى حلمه يتمنى
دي فيها النفوس صافيه
الضحكه دافيه
وقلوب حنيتها تتغنى
مصر هيا
الهرم والنيل
ضحكة النهار وسحر الليل
هواها يشفي العليل
سمره بعيون كحيله
تبتسم وتقول
صباح الخير يا جميل
مصر هيا
ناسها الطيبين
ضحكه من القلب طالعه
أخوات حبايب
مسلمين مسيحيين
مصر هيا
شعب عايش
رغم الشقى فرحان
فرحة طفل بهدوم العيد
وفانوس رمضان
نيته خالصه للرحمن
سماها مليان
جرس كنايس
وتكبيرة آدان
مصر هيا
الشوارع والجناين
والمدارس والغيطان
على نيلها تتمشى تتسلى
ترمس ودره وأكلة بطاطا كمان
حنطور ياخدك تزور
القلعه والحسين
تتفرج على جمال الخان
مصر هيا
علم حديث وتاريخ وحضارة
مناره علمت الكون العماره
هيا دى مصر يا ساده

التعليقات مغلقة.