ربـــــاعــيـــات إنـــســـان”(13) بــــقـــلــمــ/ أمين مراد

.

بــــقـــلــمــ✍️ أمين مراد

 

توهان غليان سكوت و صبر
تفكير حيرة و ضحك مر
نظرة بعيدة سافرت و تاهت
رجعت قتيلة ف قلب قبر

************************

شبابيك من شبك متشبكه
و حكاوي كدب متسبكه
و العقل صياد عجوز
شبكه حارب ف ألف معركه

************************

صوت الهموم حروفه متعادة
شتات بيبات عمر و زيادة
شهيق و زفير لحاف و سرير
و خيال بيرسم م البكا سعادة

************************

ناس و خلق و زحمه ف الصورة
معارف قرايب صحاب محشورة
حكايات قديمة دايبه و متينه
عبور و نكسه ع الحيطة منشورة

التعليقات مغلقة.