ومش هندم كلمات الشاعر / محمد عبد العزيز رمضان

كلمات الشاعر / محمد عبد العزيز رمضان

ومش هندم على اللى فات
ولا هحكي كمان حكايات
خلاص حبي وحبك مات
وهان دمعي وأحلى أوقات
وبفتكرك ساعات وساعات
وبشتقلك وعندي حجات
وبكفايا عذاب وأهات
وطول ليلي بكى وأنات
حياتي بعدك أنت شتات
بنيت بينا كتير مسافات
وليه توعدني بالجنات
وألقى الجنة ويل وسكات
ومش هندم على اللى راح
ولا هرضى أعيش فى جراح
حلمت وحلمي كان دباح
وجاني الحزن مسا وصباح
ونفسي بجد يوم أرتاح
وألقى همومي كدا تنزاح
ومن تاني أعيش أفراح
ونور الصبح هل ولاح
وطير غنى بصوت صداح

التعليقات مغلقة.