روايح رمضان .. بقلم / رمضان محمد محمود

بقلم / رمضان محمد محمود

سطور بمناسبة اقتراب شهر رمضان المبارك

كل عام وانتم بخير

رمينا البذر في رجب وراعينا في شعبان
وانا وانت على وشك نحصد في رمضان
يا رب بلغ حبايبنا كلهم شهر الغفرااان
واشملنا في رحمتك يا رحيم يا رحمن
الكل مستني شهر الصوم وهوا فرحان
دا شهر الخير البركة والله كله احسان
شهر كله بيحبه حتى السليم والعيان
الكل بيسأل ربه ويعوزو من النيران
ويسأل في كل أوقاته يدخل أوسع جنان
ابدا يومك بذكره في و الفجر لما يبان
وأبدأ يومك يااخي ……..الضحى ركعتان
وبعد كده شغلك……… اوعى تكون كسلان
العمل عباده ما يطلعلو ……..غير الفرسان
وصل الظهر وبكده ………رزقك في امان
سيدي ناملك شويه ……. قيلوله يا تعبان
واقرأ في كل يوم………… جزء من القران
حافظ ع الصلاة الوسطى هي ليك عنوان
ساعد أسرتك دا كله في …. الصيام تعبان
وأسأل على القرايب…. ولا تنسى الجيران
اول ما تسمع المغرب….. افطر وردد الآذان
وادع لكل الناس …………والأهمّ الوالدان
يا راجل خلي اكلك ….حتما يكون بميزان
وصل المغرب والعشاء ….متقلش كسلان
ومتهملش التراويح …….حتى لو ركعتان
وسيبك من التلفاز …… بيحبه كل فسدان
اقعد مع اولادك ………وخدهم بالأحضان
اقراحديث لنبيك ……..أكيد هتزيد إيمان
اذكر ربك دايما في ……..كل وقت ومكان
دا الشهر الوحيد اللي….. خالي م الشيطان
وادع ربك بالرحمة …… قبل فوات الآوان
واتسحر دا السحور بركة وانت الكسبان
واشرب بسيط ميه …….حتى لو فنجااان
واوعى تملأ بطنك ……دا هيَّه مش خزان
يا ريت الكل فينا…………. يبعد عن الدخان
اختم يومك بالفجر …….صلاته كلها امان
والله دا جنة ربك ….دخولها مش بالمجان
يا رب الكون ما لينا…. غيرك أبدا مستعان
نفوز يا رب بجنتك……. ونكون فيها سكان
ونعوزك من نارك ……….حتى من الدخان
يا رب يا رحمن بلَّغ…….. الكل شهر الغفران
ودي كلمات بسيطة ….من أخوكم رمضان

بقلمي
رمضان محمد محمود

التعليقات مغلقة.