” رمضان ”   بقلم / وائل سعيد

  بقلم / وائل سعيد
——————
رمضان كان زمان
يفرحنا ويجمعنا
دلوقتي بالأحزان
يقسمنا ويفرعنا
والنقص في الإيمان
يبكينا ويدمعنا
دا البر والإحسان
للي دخل طوعنا
طول السنة حرمان
والود بيودعنا
دلوقتي يا رمضان
بتزود لينا أوجاعنا
الود مع الجيران
ماسخ مالوش معنى
والبعد زاد فى زمان
خارجنا عن طوعنا
وصلة الرحم يا سلام
دايما تودعنا
تاهت علينا اجيال
في الشكل والمعنى
قولة قريبي جبال
تسد مسامعنا
ما هو جمعنا محال
فى حته تجمعنا
والحجة شغل ومال
وظروف بتمنعنا
واختلاف أحوال
تمنع في مطلعنا
والدعوة للرحمن
يا رب جمعنا
وننسى قولت قال
وترجع محاسنا
وتتعارف الأجيال
وتزيد روابطنا
والبعد بالأميال
مالوش مكان بينا
رمضان كان زمان
يفرحنا ويجمعنا
دلوقتي بالأحزان
يقسمنا ويفرعنا
………….. وائل سعيد……

التعليقات مغلقة.