نقول ومهما نقول

بقلم / حسام غنيم

نقول ومهما نقول
فى كتب وغناوى الأصول
عمرنا ماهنوصف اللى جوا القلوب
دا سر الوجود لينا ……………
منين مانروح على الجبين مكتوب
تعيشي يامصر حتى لو راحت منا الروح
هتفضل تنادي من السما لكل الورود
هنا وهناك وبكل الربوع
أوعوا النقش على الجدران يروح
دى حضارة ورث الجدود
بنسلمه لكل جيل تحت راية لفوق
وهتفضل للسما ليوم الدين
هو الحافظ ونوره فيها
ينور طريق اللى. إختصهم لها
بحفظ وحماية كل شبر فيها
لما إتجلي بفضل منه عليها
مين بقة فى الدنيا زيها
وهيقدر يهز عرشها
دا كل البركة والرزق فيها
وإن قست في يوم علينا
بتقوي كل عزيمة تشد إدينا
زى كل اللى عدي وراح منا
فدا نور صباح يطلع عليها
ويا عصفاير بتنادي على أشجارها
وتقول صباحك ندا غالي يابلدنا
وتسلم على كل فلاحينها
تسلم إديكم بزرع غالي.
وولاد ليكم في كل شبر منها
وعلى الحدود حكاية تانية
وبرة حدودنا غنوة غالية
هايتغني بيها كل أهالينا بكرة
وهم برجعوا كل حق ليها قوة
وعزيمة من فضل ربك علينا
دا عهد روح عايشة …….
مابتبعد.ولا بتسيب إدينا
ودايما بتشد وتقوي كل فينا
حتى لو الكل بعد عنا وراح منا
هم هم حوالينا سر ربك فيها
وحي على الفلاح ….بتحيا أم البلاد
بذهد وعشق الأوطان نجاة
…..من وبقلمي حسام غنيم

التعليقات مغلقة.