« شقينا القنال » بقلم : محمد مبروك محمد

بقلم : محمد مبروك محمد
إحنا شقينا طريقنا
يوم ما شقينا القنال
رفع المصري راسه
يوم ما رفع فاسه
دبت على الأرض
شقت طريق العزة للرجال
كسر صخر الذل و داسه
رفع العلم و باسه
على القنال
حماه بروحه و بناسه
و أخد العلم سلاحه
جمع بالحب ناسه
شرب العسل من كاسه
الصليب مع الهلال
و دقنا كتير مر
لأجل يدوق العسل بعدنا أجيال
و من تاني عدنا لطريق الحياة
نوسع شريان القناة
و لأجل السفينة كل لحظة تمر
تشوف مصر القوية من كل شدة تمر
يرفع ولادها العلم تحيا مصر
تحيا مصر أم الشهيد و الدم الحر
إللي سال على كل شط يملى القنال
يسقي العسل لكل شبر
داق مرارة الاحتلال
تحيا مصر أم الشباب
بالسلمية فتح للحضارة أبواب
نور حياة الكون
صحى العالم من السكون
نطق بالحق و قال
تحيا مصر أم الشباب
نور طريق الأجيال
بشمع العسل على شط القنال
تحيا مصر و الله أكبر
تملى حياتنا تنور طريقنا
تنهض شبابنا تحقق الآمال ٠
بقلمي:
محمد مبروك محمد
جمهورية مصر العربية
ساقية المنقدي اشمون المنوفية.

التعليقات مغلقة.