صباح الخير ياسيناء بقلم / إيڤيلين موريس

بقلم / إيڤيلين موريس

تمر السنين
تذكرنا بأنك ياسينا
لسه قلبك حزين…

وترابك اللي سقاه دم ولادك
لساه بيصرخ م الأنين ..

علي ولادك زينه شبابك
اللي اشتروكي بدم ثمين …

ودفعوا الثمن أرواحهم
لجل يصحوا النايمين ..

وعلشان أرضك ياسينا
في يوم تطرح ورد وياسمين ..

يمتزج عبيره بريحة دماهم
وتبقي روضه من رياض جنه الخالدين..

وصباح الخير يا سينا رسيتي فى مراسينا
تعالي فى حضننا الدافي ضمينا وبوسينا يا سينا

مين اللى قال كنتي بعيده عني أنتي اللى ساكنه فى سواد النني

مش سهل ع الشبان يسهوا عن الأوطان

ورسيت مراسينا على رملة شط سينا

وقلنا يهون علينا دا أول الشطئان

كل عام وانتم بيها وفيها طيبين.

التعليقات مغلقة.